«Ռուսաստանի դեմ նոր պատժամիջոցները կարող էին Մոսկվային հեռացնել բանակցություններից». Թրամփ

ԱՄՆ նախագահ Դոնալդ Թրամփը հայտարարել է, որ Ռուսաստանի դեմ լրացուցիչ սահմանափակումներ չի կիրառել, քանի որ դրանք կարող էին Մոսկվային հեռացնել Ուկրաինայի հարցով բանակցային գործընթացից։
«Ռուսաստանի վերաբերյալ իմ որոշումը շատ պարզ է։ Այս պահին ես աշխատում եմ Ռուսաստանի և Ուկրաինայի միջև խաղաղ կարգավորման ուղղությամբ և չեմ ցանկանում այնպիսի քայլեր ձեռնարկել, որոնք Ռուսաստանին կհեռացնեն բանակցությունների սեղանից։ Մենք զգալի առաջընթացի ենք հասնում, այդ թվում՝ ներկայումս ընթացող պատանդների փոխանակման շուրջ բանակցություններում»,- գրել է նա՝ Truth Social սոցիալական ցանցում։
Թրամփը նշել է, որ անհրաժեշտության դեպքում ցանկացած պահի կարող է պատժամիջոցներ սահմանել։