«Զգույշ եղեք, մենք նույնպես անավարտ գործեր ունենք». Արաղչին՝ ԱՄՆ-ին

Իրանի ԱԳ նախարար Աբբաս Արաղչին զգուշացրել է ԱՄՆ-ին՝ ձեռնպահ մնալ երկրի վրա հնարավոր նոր հարձակումից՝ նշելով, որ նման քայլը կարող է հանգեցնել Թեհրանի պատասխան գործողությանը։
«Անցյալ անգամ, երբ փորձեցիք «ավարտին հասցնել գործը», Իրանը միայն ավելի ուժեղացավ։ Ցանկանո՞ւմ եք կրկին փորձել ձեր բախտը։ Խնդրեմ։ Բայց զգույշ եղեք, մենք նույնպես անավարտ գործեր ունենք»,- գրել է Արաղչին՝ X սոցիալական ցանցի իր էջում։
Նա հավելել է, որ Իսրայելի վարչապետ Բենիամին Նեթանյահուն ԱՄՆ-ին ներքաշում է հերթական պատերազմի մեջ՝ անկախ նրանից, թե դա ինչ հետևանքներ կունենա Իսրայելի համար։

Ավելի վաղ ԱՄՆ նախագահ Դոնալդ Թրամփը հայտարարել էր, որ շուտով որոշում կկայացնի Իրանի հետ կապված հետագա քայլերի վերաբերյալ։