Հորմուզի նեղուցում լցանավ է հրդեհվել

Հորմուզի նեղուցում նավթատար է հրդեհվել։ Այս մասին հաղորդում է Tasnim լրատվական գործակալությունը՝ հղում անելով Իրանի Իսլամական հեղափոխության պահապանների կորպուսի (ԻՀՊԿ) ռազմածովային ուժերի մամուլի ծառայությանը։
Մամուլի ծառայությունը հավելել է, որ վերջին օրերին մի քանի լցանավեր պայթեցվել են էլեկտրոնային համակարգերը անջատելուց հետո Հորմուզի նեղուցով տարանցման փորձի ժամանակ։ ԻՀՊԿ-ն ընդգծել է, որ Իրանը պահպանում է վերահսկողությունը Հորմուզի նեղուցի արևելյան հատվածի, Արաբական ծովի և Օմանի ծովի նկատմամբ, և կոչ է արել մարդկանց չհիմնվել այլ աղբյուրներից ստացված տեղեկատվության վրա։

Հոկտեմբերի 17-ին ԻՀՊԿ-ն նաև հայտնել է, որ Հորմուզի նեղուցում հրդեհվել է ավելի քան 2 միլիոն բարել նավթ տեղափոխող գերբեռնատար նավ։ Նավը բախվել է ականի։ ԻՀՊԿ ռազմածովային ուժերի տվյալներով՝ նավը դիտավորյալ անջատել է բոլոր դիրքորոշման և ռադարային համակարգերը՝ փորձելով մոլորեցնել Իրանի ծովային իշխանություններին։ Նավը փորձում էր անցնել նեղուցով ԱՄՆ-ի ուժերի աջակցությամբ։

Հոկտեմբերի 14-ին Սինգապուրի դրոշի ներքո նավարկող GFS Pride կոնտեյներային նավը խորտակվել է Հորմուզի նեղուցի մոտ՝ արկի հարվածից հետո։ Կոնտեյներային նավը շահագործվում է GFS Ship Management FZE ընկերության կողմից։