«Բավական է, որ կառավարումն անցնի համայնքին, ու լինում է արտակարգ իրավիճակ». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Գագիկ Ծառուկյանին պատկանող նախկին Մուլտի Ուելնես մարզահամալիրում, որը ներկայումս Երևանի քաղաքապետարանի ենթակայության տակ գտնվող Երեւան Ուելնես մարզահամալիր է, լողավազանում եղել է քլորի չափից ավելի քանակություն և հարկ է եղել կանչել ընդհուպ շտապօգնություն։

Ընդամենը կարճ ժամանակ անց, այսպես ասած համայնքային, դե ֆակտո պետական կառավարման պայմաններում լինում է արտակարգ իրավիճակ։ Այսքան տարի մարզասրահը գործել է սեփականատիրոջ կառավարմամբ և գործնականում կարծես թե ոչ մի այդպիսի խնդիր։ Բավական է, որ կառավարումն անցնի համայնքին, ինչը դե ֆակտո նշանակում է պետական կառավարում, ու ահա լինում է արտակարգ իրավիճակ, ընդ որում քաղաքացիների՝ մարզասրահից օգտվողների առողջության ռիսկով։

Մի չափազանց ցցուն օրինակ, ավելի շուտ՝ ևս մի օրինակ, այս անգամ մարզասրահում, որ պետությունը՝ թեկուզ համայնքային ձևաչափով, ամենավատ կառավարիչն է, լինի էլցանցեր, ցեմենտի գործարան, թե մարզասրահ»: