«30 օր հացադուլի մեջ գտնվելու ընթացքում կալանավորի վիճակը բավականին ծանր է»․ փաստաբան

«Ի սկզբանե նախաքննությունը գնացել է այնպիսի հունով, որ պետք է սպանության մեղադրանքով գործը գնար դատարան, որևէ այլ քննություն, որը կարող էր հերքել սպանությունը, չի արվել, այն դեպքում, երբ մեր պաշտպանյալի տված ցուցմունքները, վերջինիս աջակցությամբ դեպքի վայրից հայտնաբերված իրերը, այլ ապացույցներն ու վկաները խոսում են այն մասին, որ նա գործել է՝ պաշտպանությունից ելնելով։ Մեր բողոքի ձայնն ուղղված է մեղադրանքի կողմին»,- ասուլիսի ժամանակ ասել է ՔԿՀ-ում արդեն 30 օր հացադուլի մեջ գտնվող կալանավոր Աշոտ Բադալյանի փաստաբանը։ «Նման իրավիճակում հայտնվելուց հետո, մեր պաշտպանյալն իր բողոքի ձայնը բարձրացնելու այլ միջոց չի գտել, քան հացադուլը։ 30 օր հացադուլի մեջ գտնվելու ընթացքում առողջական վիճակը բավականին ծանրացել է։ Նրա պահանջն արդար և օբյեկտիվ քննությունն է»,- նշել է փաստաբանը։