«Այ բուդկի պաշտպան». Աջափնյակի ղեկավար Սերոբ Սարգսյանը` պատգամավոր Մեսրոպ Մանուկյանին

Այսօր երեկոյան քաղաքապետարանը վերսկսել է Երևանի Շինարարների փողոցի կրպակների ապամոնտաժման աշխատանքները: Ըստ պատգամավոր Մեսրոպ Մանուկյանի՝ կրպակների տերերն ունեն սեփականության իրավունք, որը հաշվի չեն առնում: Կա դատարանի որոշում, որ քանդելու իրավունք չկա, որը ևս հաշվի չի առնվում: «Այս մարդիկ ասում են՝ ուզում եք փողոցներն ազատեք, համաձայն ենք, եկեք գնահատեք, անցնենք ընթացակարգով, լակոտապետություն չի սա: Այնինչ գիշերով գալիս են, որ քանդեն»,- ուղիղ եթերում պատմել է պատգամավորը:

Լարված իրավիճակը Շինարարների փողոցում հատկապես սրվել է, երբ ժամանել է Աջափնյակի քաղաքապետ Սերոբ Սարգսյանը: Նրա ու Մեսրոպ Մանուկյանի միջև լեզվակռիվ է սկսվել, որի ընթացքում Աջափնյակի վարչական ղեկավարը պատգամավորի հասցեին գոռացել է՝ այ բուդկի պաշտպան, դու բուդկեքի պաշտպան ես:
Ես քաղաքացու պաշտպանն եմ, պատասխանել է Մանուկյանը: