«COP17-ի անվան տակ պետությունը միայն կահույքի համար նախատեսել է 371 մլն դրամ». Անուշ Միրզոյան

Ընդդիմադիր պատգամավոր Անուշ Միրզոյանը ֆեյսբուքյան իր էջում ներկայացրել է ԱԺ այսօրվա ելույթի տեքստը. «COP17-ի անվան տակ պետությունը միայն կահույքի ձեռքբերման համար նախատեսել է 371 միլիոն 129 հազար 869 դրամ։ Դրան առանձին ավելանում են կահույքի տեղափոխման, տեղադրման, ապամոնտաժման և 5,400 քմ հատակի ծածկույթի հետ կապված աշխատանքներ՝ ևս մոտ 36.3 միլիոն դրամ։ Այսինքն՝ միայն այս մասով խոսքն արդեն ավելի քան 407 միլիոն դրամը գերազանցող ծախսի մասին է։
Ընդհանուր գրեթե 80% տողերում կահույքի ձեռքբերման համաձայնագրում ապրանքի գները առերևույթ ուռճացրած են։
Մասնագիտական ուսումնասիրությամբ բազմաթիվ ապրանքատեսակների մասով բարձրացվել է շուկայականից մոտ 20-25 տոկոս հնարավոր բարձր գնագոյացման հարցը։
Մեր լրացուցիչ ստուգմամբ՝ որոշ դեպքերում գներն ուռճացված են ավելի քան 50 տոկոսի և ավելիի։ 16000 դրամով գնել այն աթոռը, որը հանգիստ կարելի էր գնել 9000 դրամով. սա գերշահույթ է։
Սա կարելի է շարունակել…
Պետբյուջեն ձևավորվում է ժողովրդի հարկերով, և այն նախատեսված չի չարդարացված ծախսերի համար»: