«Կառավարությունը COP17-ի բրենդային նվերների համար ձախսել է շուրջ 290 մլն դրամ». Լիանա Մանուկյան

«Կառավարությունը COP17-ի բրենդային նվերների համար ձախսել է շուրջ 290 մլն դրամ, իսկ գիտե՞ք՝ ինչ է ձեռք բերվել, օրինակ ջրաման՝ 16 500 հատ՝ 7800 դրամով: Ես շուկայից ձեռք բերեցի 4 տարբեր մոդելի թերմոս, որոնց արժեքը 2000-ից 3500-ի սահմաններում է: Հաջորդը՝ բեյջի թել. պետությունն այն ձեռք է բերել 1248 դրամով՝ 19 700 հատ: Ես ու գործընկերս երեկ շուկայում 55 դրամը գերազանցող բեյջի թել չկարողացանք գտնել»,- հայտարարեց ընդդիմադիր պատգամավոր Լիանա Մանուկյանը: «Շուկայի մասնագետներն ինձ ասացին՝ ամենալավ որակի, ամենաթանկ տպագրությամբ բեյջի թելը կարժենար 600 դրամ»,- հավելեց նա:

Հիշեցնենք՝ ԱԺ-ում արտահերթ նիստ է, քննարկվում է «Հայաստանի Հանրապետության կառավարության և Կենսաբանական բազմազանության մասին կոնվենցիայի քարտուղարության միջև կողմերի համաժողովի տասնյոթերորդ հանդիպման, որպես Կարթագենյան արձանագրության կողմերի հանդիպում հանդես եկող կողմերի համաժողովի քսաներորդ հանդիպման և որպես Նագոյայի արձանագրության կողմերի հանդիպում հանդես եկող կողմերի համաժողովի վեցերորդ հանդիպման անցկացման վերաբերյալ» համաձայնագիրը վավերացնելու մասին հարցը: