«Տեսահսկող սարքերը պետք է օգտագործենք, որ էս տեսակի խախտումները պատժվեն». Տիգրան Ավինյան

Երթևեկության խնդիրների մասին խոսելիս՝ Երևանի քաղաքապետ Տիգրան Ավինյանն ասաց. «Մեր չափումները ցույց են տալիս, որ որևէ մի փողոցի երկրորդ գծում կայանած մեքենան, էն որ ասում ա՝ երկու րոպեով մտնեմ խանութ, էդ ավտոմեքենան առաջին ավտոմեքենային պատճառում է չորս վայրկյան վնաս, երկրորդին՝ վեց, ու պիկ ժամին դա շղթայական տրամաբանությամբ գնում, հասնում է հազարերորդին: Խոսքը մի ավտոմեքենայի մասին չի, հետո մյուսն է գալիս, հետո առաքիչը, որ երկու կամ տասը րոպե է կանգնում երկրորդ շարքում: Սա նշանակում է, որ մեր գործիքակազմը՝ տեսահսկող սարքերը պետք է օգտագործենք, որ էս տեսակի խախտումները պատժվեն, սա նշանակում է, որ պետք է վերադառնանք քարշակների գործարկման թեմային: Էն էֆեկտը, որ երկրորդ շարքում կայանած ավտոմեքենաները թողնում են ընդհանուր երթևեկության վրա... քսան մեքենան կարող է երկու հարյուր հազար մեքենայի վրա էֆեկտ ունենալ ու մենք ահռելի ժամանակ կորցնենք»: