Հակոբ Շարբաթյանը՝ Եվրոպայի չեմպիոն, Ռոմիկ Հարությունյանը՝ փոխչեմպիոն

Մոնտենեգրոյի Բուդվա քաղաքում անցկացված ավագ տարիքի պատանիների Եվրոպայի առաջնությունում Հայաստանի ներկայացուցիչ Հակոբ Շարբաթյանը (50 կգ) կամային հաղթանակով նվաճեց տիտղոսը:

Ոսկե մեդալի համար պայքարում հայ բռնցքամարտիկը մենամարտեց ռումինացի Ալեքսանդրո Բուտանի հետ եւ համառ պայքարում հաղթանակի հասավ 3:2 հաշվով:

Հակոբ Շարբաթյանի հաղթանակից հետո դահլիճը սուլեց, ռումինացի մրցակցի մարտավկաները համաձայն չէին մրցավարների որոշման հետ:

Հակոբ Շարբաթյանը կիսաեզրափակիչում պարտության էր մատնել Լեհաստանի ներկայացուցիչ Պյոտր Դվոյացկիին:

Հայաստանի մյուս ներկայացուցիչ Ռոմիկ Հարությունյանը նվաճեց արծաթե մեդալ: 66 կգ քաշայինների եզրափակիչում Հարությունյանը 1:4 պարտվեց Իտալացի Ռաուլ Բարոնին:

Չեռնոգորիայիում ընթացող Եվրոպայի առաջնությունում Հայաստանի պատանեկան հավաքականի կազմում բրոնզե մեդալակիր է դարձել Էդուարդ Քարամյանը: