«Նիկոլը, Ալիևն ու Մակրոնն ամեն ինչ արեցին, որպեսզի Ռուսաստանը դուրս գա Արցախից». Մանուել Մանուկյան

Հասարակական-քաղաքական ակտիվիստ Մանուել Մանուկյանը գրել է. «Ռուսաստանին շատ օգտակար էր, որ իր զորքը մտել էր Արցախ․ դա բխում էր նաև Ռուսաստանի շահերից։ Բայց Նիկոլը, Ալիևն ու Մակրոնն ամեն ինչ արեցին, որպեսզի Ռուսաստանը դուրս գա Արցախից։ Թուրքիան էլ իր հերթին փորձում էր ամրապնդել իր դիրքերը տարածաշրջանում։
Ռուսաստանին Ուկրաինայի հարցով ճնշում էին, դրան գումարած՝ Նիկոլը հայտարարեց, որ Արցախը ճանաչում է Ադրբեջանի կազմում։ Դրանով Ալիևին ու Էրդողանին լրացուցիչ քաղաքական հնարավորություն տրվեց՝ ավելի մեծ ճնշում գործադրելու Պուտինի և Ռուսաստանի վրա։
Պուտինը, առաջնահերթ համարելով Ուկրաինայի ուղղությամբ ընթացող զարգացումները և չցանկանալով ավելի մեծ ռիսկերի գնալ, ստիպվսծ հետքայլ արեց։
Բայց մի բան պետք է հասկանալ․ Արցախի ամբողջական հանձնումը Ռուսաստանի շահերից բխող արդյունք չէր։ Ռուսաստանի համար Արցախում ներկայությունը նաև տարածաշրջանում ազդեցությունը պահպանելու և Թուրքիայի ու Ադրբեջանի հետ ուժերի հավասարակշռության վրա ազդելու հնարավորություն էր։
Իսկ երբ Ռուսաստանը դուրս եկավ Արցախից, տարածաշրջանում ուժերի հարաբերակցությունը փոխվեց՝ ի վնաս հայկական կողմի»։