Եմեն մեկնելու ճանապարհին ավելի քան 100 միգրանտ է խեղդվել

Հոկտեմբերի 9-ի գիշերը Ջիբութիի ափերի մոտ 305 ուղևոր տեղափոխող նավ է խորտակվել։ Միգրացիայի միջազգային կազմակերպության տվյալներով՝ զոհվել է 109 մարդ, այդ թվում՝ 15 երեխա, ևս 116-ը համարվում են անհետ կորած։

Ավելի քան 80 ուղևոր, բոլորը Եթովպիայի քաղաքացիներ, կարողացել են փրկվել: ՄՄԿ-ն ողբերգության մասին տեղեկություններ է ստացել փրկվածներից: Ջիբութիի իշխանությունները շարունակում են որոնողական-փրկարարական գործողությունները:

Ամեն տարի Աֆրիկայի եղջյուրից տասնյակ հազարավոր միգրանտներ անցնում են Ջիբութիով և Եմենով ուղևորվում դեպի Պարսից ծոցի երկրներ՝ ավելի լավ կյանքի որոնման համար: Միայն սեպտեմբերի 10-ից ի վեր Եթովպիայից երկիր է ժամանել ավելի քան 20,000 մարդ: