«ՀՀ-ից ՌԴ գյուղմթերքի մատակարարման սահմանափակումները նկատելի ազդեցություն չեն ունեցել ռուսական շուկայի վրա». Руспродсоюз

Հայաստանից Ռուսաստան գյուղատնտեսական արտադրանքի մատակարարման սահմանափակումները նկատելի ազդեցություն չեն ունեցել ռուսական շուկայի վրա, «Ոսկե աշուն» ցուցահանդեսի ժամանակ «ՌԻԱ Նովոստի»-ին ասել է Ռուսաստանի գյուղատնտեսական արտադրողների միության գործադիր տնօրեն Դմիտրի Վոստրիկովը։

«Այս սահմանափակումները գործնականում ոչ մի ազդեցություն չունեցան ռուսական շուկայի վրա՝ ո՛չ ապրանքատեսականու, ո՛չ գների առումով, և ոչ էլ որևէ էական ազդեցություն ունեցան։ Փոխարենը, հիմնական հարվածը հասավ հայ արտադրողներին, որոնց համար Ռուսաստանը գործնականում միակ շուկան էր մի շարք կատեգորիաների համար», - ասել է նա: