«Մոլդովայի՝ ԱՊՀ-ից դուրս գալու որոշումն անհեռատես է»․ Լուկաշենկո

Բելառուսի նախագահ Ալեքսանդր Լուկաշենկոն, ելույթ ունենալով ԱՊՀ պետությունների ղեկավարների խորհրդի նեղ կազմով նիստում, հայտարարել է, որ Մոլդովայի իշխանությունների՝ ԱՊՀ-ից դուրս գալու որոշուն անհեռատես է։ «Դա, իհարկե, հասարակ մոլդովացիների ընտրությունը չէ, այլ երկրի ղեկավարության որոշումը։ Կարծում եմ՝ այն անհեռատես է։ Ընդ որում՝ իրենք էլ դա հասկանում են և փորձում են պահպանել մասնակցությունը Ազատ առևտրի գոտու մասին համաձայնագրին»,- նրա խոսքերը մեջբերում է БЕЛТА-ն։

Ավելի վաղ Մոլդովան դուրս էր եկել ԱՊՀ-ի հիմնարար համաձայնագրերից, ինչպես նաև սկսել էր այլ համաձայնագրերի չեղարկման գործընթացը։ Հանրապետությունը Համագործակցությունից պաշտոնապես դուրս կգա 2027 թվականի ապրիլին։