«Փոխանակման մասին քննարկումներ այս պահին չեն կարող լինել». Արմեն Խաչատրյան

«Փոխանակման մասին քննարկումներ այս պահին չեն կարող լինել»,- Խորհրդարանական ճեպազրույցների ժամանակ հայտնել է ԱԺ «Քաղաքացիական պայմանագիր» խմբակցության պատգամավոր Արմեն Խաչատրյանը՝ անդրադառնալով հայ գերիների և ՀՀ սահմանը հատած ադրբեջանցու հնարավոր փոխանակմանը: «Այս պահին քրեական գործ կա հարուցված, պետք է իրավական գնահատական տրվի սահմանը խախտած ադրբեջանցու գործողություններին, որից հետո քրեական գործը մեղադրական եզրակացությամբ կուղարկվի դատարան, այնտեղ ամենայն հավանականությամբ կդատապարտվի և կսկսի կրել պատիժը՝ ՀՀ օրենքներին համապատասխան: Դրանից հետո չեմ բացառում, որ, հնրավոր է, գերեվարության մեջ գտնվող մեր հայրենակիցների Հայաստան տեղափոխվելու դիմաց հանձնվի այդ ադրբեջանցի զինծառայողը: Բայց դրա մասին խոսելը շատ վաղ է»,- ասել է նա: