Դատարանը ոչ իրավաչափ է ճանաչել «Օլիմպավան»-ի, «Մուլտի Տաբակ»-ի «Եվրոմոտորս»-ի» և «Մուլտի Սթոուն»-ի կապարակնքման որոշումները

Դատարանը բավարարել է «Օլիմպավան» մարզահամալիրի կապարակնքման որոշման դեմ Գագիկ Ծառուկյանի փաստաբանական խմբի ներկայացրած բողոքը, սակայն դատարանի որոշումը դեռ չի կատարվել։

«Դատարանը գտել է, որ կապարակնքման գործողություններն իրավաչափ չեն։ Երեկ ենք ստացել դատարանի որոշումը, հավանաբար երեկ էլ դատախազությունն ստացած կլինի և ունի բողոքարկման 10-օրյա ժամկետ»,- «Առավոտ»-ին ասել է փաստաբան Հովիկ Սուքիասյանը՝ ընդգծելով, որ կապարակնքված ընկերությունների մասով ընդհանուր հինգ բողոք ունեն քննված, և դրանցից միայն մեկ բողոքն է մերժվել։ «Դատարանը, բացի «Օլիմպավանից», բավարարել է «Մուլտի Տաբակի», «Եվրոմոտորսի», «Մուլտի Սթոունի» կապարակնքման որոշումների դեմ մեր բողոքները։ Այս բոլոր դեպքերով էլ, ներառյալ «Օլիմպավանը», բողոքարկման 10-օրյա ժամկետը չի ավարտվել:
Առավել մանրամասն՝ սկզբնաղբյուրում: