«Հետախուզման մեջ գտնվող և Հայաստանից դուրս ապրող հայերի համար կարևոր իրավական տեղեկատվություն». Տիգրան Սարգսյան

Փաստաբան Տիգրան Սարգսյանը գրում է. «Հետախուզման մեջ գտնվող և Հայաստանից դուրս ապրող հայերի համար կարևոր իրավական տեղեկատվություն։
Եթե պարտադիր զինվորական ծառայություն չեք անցել և ձեր նկատմամբ առկա է քրեական հետապնդում կամ հետախուզում, կարևոր է հասկանալ՝ յուրաքանչյուր գործ ունի իր առանձնահատկությունները։

Եթե զորակոչի ենթակա ժամանակահատվածում ունեցել եք առողջական խնդիր, որը կարող էր հիմք հանդիսանալ ծառայությունից ազատվելու համար, նշանակություն կարող են ունենալ նախկին բժշկական փաստաթղթերը, հետազոտությունները, հիվանդության պատմությունը և համապատասխան փորձաքննության արդյունքները։
Որոշ դեպքերում իրավական և բժշկական գնահատումը կարող է էական ազդեցություն ունենալ գործի հետագա ընթացքի և հնարավոր իրավական լուծումների վրա։
Մինչև Հայաստան գալը կամ որևէ քայլ կատարելը ցանկալի է նախապես պարզել ձեր իրավական կարգավիճակը և հասկանալ՝ ձեր դեպքում ինչ տարբերակներ են հնարավոր»: