Ֆրանսիայում բողոքի ցույցերի ժամանակ ավելի քան 20 դպրոց է վնասվել

Ֆրանսիայում ավագ դպրոցի աշակերտների բողոքի ցույցերի ընթացքում 24 դպրոց է հրկիզվել կամ վնասվել։ Երկրի ողջ տարածքում դասերը դադարեցվել են։ Այս մասին France 2 և France Inter հեռուստաալիքների եթերում հայտնել է Ֆրանսիայի ազգային կրթության նախարար Էդուար Ժեֆրեն։

«Միանգամայն ակնհայտ է, որ սա վտանգ է ներկայացնում ինչպես մեր աշխատակիցների, այնպես էլ աշակերտների համար։ Ազգային կրթության համակարգի 78 աշխատակից վիրավորվել է։ Մենք երբեք նման բան չենք տեսել։ Նրանց նկատմամբ դիտավորյալ հարձակում է իրականացվել»,- ասել է Ժեֆրեն։

Նշենք, որ ավագ դպրոցի աշակերտները դժգոհում են դասարանների գերբեռնվածությունից, ուսուցիչների պակասից, ուսումնական հաստատությունների վատ վիճակից և չափազանց ծանրաբեռնված դասացուցակից։ Հոկտեմբերի 3-ին Ֆրանսիայի իշխանությունները հայտնել են, որ բողոքի ցույցերի ժամանակ ձերբակալվել է ավելի քան 5 հազար մարդ։