Երևան`   +18 °C
Այսօր`   Չորեքշաբթի, 07 հոկտեմբերի, 2026 թ.

«Նախատինքի կես խոսք իսկի չեն ասել զարհուրելի դեպքի առնչությամբ, բայց օրհներգը լսում են ձեռքը կրծքին դրած». Հակոբ Բադալյան

169
Կիրակի, 04 հոկտեմբերի, 2026 թ., 15:36
«Նախատինքի կես խոսք իսկի չեն ասել զարհուրելի դեպքի առնչությամբ, բայց օրհներգը լսում են ձեռքը կրծքին դրած». Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը՝ կից տեսանյութով. «Սա դրվագ է նախագահի նստավայրում կառավարության անդամնեի երդմնակալությունից, որ տեղի է ունեցել հոկտեմբերի 3–ին։ Պետական օրհներգի ժամանակ, ինչպես հրահանգավորել է Նիկոլ Փաշինյանը, բոլորը ձեռքները դնում են կրծքին։

Այդ ընթացքում, բժիշկները պայքարում են Շաքի գյուղում, ներթափանցած ադրբեջանցի զինծառայողի կրակից վրավորված կնոջ առողջության համար, նրա ոտքը անդամհատումից փրկելու համար՝ ինչպես հայտնել է կնոջ քույրը։ Ադրբեջանցին մի քանի օր եղել է Հայաստանի տարածքում, անվտանգության համակարգի համար աննկատ։ Պաշտոնական Երեւանը նախատինքի կես խոսք իսկ չի ասել այդ զարհուրելի դեպքի առնչությամբ։

Բայց օրհներգը լսում են ձեռքը կրծքին դրած։ Որովհետեւ պետությունը այս մարդկանց համար ընդամենը ձեւ է, լուսանկար, ռիլզ, քարոզչություն, ֆասադ, այլ ոչ թե կառավարման արդյունավետ համակարգ ու բովանդակություն, որի առանցքային մասը այդ պետության քաղաքացու անվտանգության ապահովումն է։

Իսկ ֆասադը, ռիլը, լուսանկարը սպառողները հարյուր հազարավոր են, որովհետեւ սպառողական հասարակությունը կողմնորոշված է դեպի փաթեթներ, ոչ թե դեպի էություն»:

Աղբյուրը`   Հակոբ Բադալյան