«Դուրս եկեք իմ անձնական էջերից, իմ անձնական կյանքից»․ Ալեն Սիմոնյան

ՀՀ Անվտանգության խորհրդի քարտուղար Ալեն Սիմոնյանի ֆեյսբուքյան գրառումը․ «Նենց մի նոր՝ ինձ ոչ բնորոշ սխալ եմ արել ու շատ փոշմանում եմ: Ինչ-որ կարծրատիպերի դրդմամբ և որոշ ընկերներիս՝ իմ մասին հոգ տանելու ցանկությամբ, մի գեղեցիկ տեսանյութ էի տեղադրել արհեստական բանականությամբ ստեղծված, ասեցին լավ է, քեզ պետք է, ես էլ տրվեցի այդ կարծրատիպային մտածողությանը և փակեցի իմ անձնական էջից այդ տեսանյութը: Հետո տեսա, որ որոշ լրատվականներ իրենց համար թեմա են գտել և Ալեն Սիմոնյան են քննարկում: Դե ամեն մի չկայացած առիթը բաց չի թողնում մի փոքր Ալեն Սիմոնյան ծամի: Թե բա Սյունիքում տեղի ունեցածի ֆոնին ... նա դրել ջնջել է:)
Հիմա ուզում եմ ներողություն խնդրել ինքս ինձնից նախ և առաջ, որ տրվեցի այդ կարծրատիպերին և ինչ-որ պահի փակեցի այդ անմեղ՝ ուղղակի զվարճալի թրենդային տեսանյութը իմ անձնական էջում: Ցավում եմ, որ ձեզ առիթ տվեցի, որ դուք համարեք, որ կարող եք ինձ տրամադրություն թելադրել:
Իսկ հիմա ուշադիր բոլորդ. էն ռուսական սպուտնիկներին, քոչարյանական և սերժական նյուզերին և լուրերին:
Բոլորով մի տեղ հավաքվեք և կամուրջից թռեք, բայց լուրջ դեմքի արտահայտությամբ՝ «сугубо» լուրջ, ինչպես ինչ հիմարություն ու սրիկայություն կար՝ արեցիք ու անում եք, լուրջ դեմքով և բոլոր ֆոները հաշվի առնելով, ու ձեր սեփականատերերին ձեր հետ չմոռանաք:
Դուրս եկեք իմ անձնական էջերից, իմ անձնական կյանքից և կեղտոտ շորերից:
Պաշտոնական դիրքորոշում եք ուզում՝ մտեք պաշտոնական կայք կամ եկեք ու փորձեք ինձ հետ բովանդակային բան խոսել: Կամ ձեր տերերին բերեք՝ թող ինձ հետ բանավիճեն կամ եկեք, կարողացեք հարցազրույց վերցնել ու խայտառակ չլինել: Թե չէ Ալեն Սիմոնյանը նկարվեց, ծիծաղեց, լաց եղավ, տեսանյութ հրապարակեց, չամիչով բուլկի կերավ, չմոռանանք նաև Ալեն Սիմոնյանի հարևանի մորքուրի մասին նյութերը գրել:
Բա, որ մի հատ էլ, Սյունիքում եղած դեպքի ֆոնին են գրում: Ա՜յ պետականության դեմ աշխատող վարձկան միավորներ, էդ ֆոնը ո՞րն է, ե՞րբ է ավարտվում, երեք օր է, թե՝ մեկ, ժամը 12:00-ից հետո ֆոնը ավարտվո՞ւմ է: Կամ ինչ ֆո՞ն է. հարևան երկրի քաղաքացին հանցագործություն է արել, որի համար ՀՀ օրենսդրությամբ պատասխանատվություն է կրելու:
Կարծում եմ հասկացաք, որ ուղղությամբ հիմա կարող եք բոլորով գնալ: Հա ու չմոռանաք՝ գնալիս լուրջ դեմքի արտահայտությունը, դա շատ կարևոր է»:

Նշենք, որ ավելի վաղ Ալեն Սիմոնյանը տեսանյութ էր հրապարակել սոցկայքի էջում՝ գրելով․ «Սիրեք իրար, ազատ եղեք, արտահայտվեք, ապրեք»։