«Ես տեղեկացված եմ եղել, որ օտար մարդ կա, բայց կոնկրետ ազգության մասին չի նշվել»․ Շաքիի վարչական ղեկավար

«Ես, որպես վարչական ղեկավար, տեղեկացված եմ եղել, որ օտար մարդ կա, բայց կոնկրետ ազգության մասին չի նշվել, ես էլ ներկայացրել եմ մեր բնակչությանը, որ զգույշ լինեն»,- «Yerevan Tribune»-ի եթերում ասել է Շաքիի վարչական ղեկավար Ռուբեն Մանուչարյանը՝ խոսելով ադրբեջանցու՝ գյուղ մտնելու միջադեպից։ «Այդ օրը մեր գյուղի փողոցների սանմաքրման օրն էր, մեր աշխատանքն էինք կատարում կենտրոնական փողոցում, 14։15-ի կողմերն էր երևի, տեսա, որ պարեկային ծառայության մեքենաներ մտան գյուղ, հետո ԱԻՆ-ից, այլ ծառայություններից, ես, որպես վարչական ղեկավար, անհանգստացա և այդ ուղղությամբ գնացի։ Տեսա, որ միջադեպ ա տեղի ունեցել, այն, ինչի մասին արդեն տեղյակ եք»,- նշել է նա: