«Ի՞նչ խաղաղություն, երբ չենք կարում արխային ապրել»․ Շաքիի բնակիչ

«Կասկածելի բան չեմ նկատել, տանը քնած եմ եղել, ինձ լավ չէի զգում այդ օրը: Ասում են՝ կինը աշխատանքից տուն է վերադարձել, տեսել տանը քնած մարդ կա ու այդ միջադեպը տեղի է ունեցել։ Երեխաներից տղայի թևն ա կոտրվել, թե ճաքել, կնոջն էլ ոտքն ա, ոտքին ա կրակել»,- «Yerevan Tribune»-ի եթերում ասել է Շաքիի բնակիչներից մեկը՝ խոսելով գյուղում ադրբեջանցու հայտնվելու մասին։

Իսկ թե արդյո՞ք խաղաղություն կա հաստատված, քաղաքացին նշել է․ «Խաղաղությունը ո՞րն է․ մենք արխային չենք խաղաղության վրա։ Հլը ի՞նչ խաղաղություն, ի՞նչ բան, մի բան կլինի էլի, կարող ա խաղաղություն լինի, կարող ա կռիվ լինի, չես կարող իմանալ, որովհետև մեր պապենական դուշմաններն են դրանք, ի՞նչ իմանաս՝ դրանք խաղաղություն կկնքեն, թե չէ»։