«Թաղման նպաստի գումարները կուղղենք կենսաթոշակառուներին․ 1000 դրամով կբարձրացնենք նվազագույն կենսաթոշակը»․ Արսեն Թորոսյան

«Մենք որոշել ենք թաղման նպաստի գումարներն ուղղել մեր քաղաքացիներին, կենսաթոշակառուներին, իհարկե, որոշակի խմբի համար, որոնք ավելի շատ կարիք կունենան՝ կպահպանվի նպաստը, անապահովության համակարգում գտնվող քաղաքացիներին է խոսքը վերաբերում»,- ճեպազրույցի ժամանակ հայտարարել է աշխատանքի և բարեկեցության նախարար Արսեն Թորոսյանը։
«2027թ․ համար մենք կենսաթոշակների բարձրացում անելու ենք, կբարձրացնենք նվազագույն կենսաթոշակը, որը հիմա 46 հազար դրամ է, այն կդառնա 47 հազար դրամ, նվազագույն կենսաթոշակը և տարատեսակ նպաստները կբարձրանան մինչև հազար դրամ, աշխատանքային կենսաթոշակի ստաժի հաշվարկում 500 դրամ բարձրացում տեղի կունենա, նաև կբարձրանա զինվորական կենսաթոշակը։ Արդյունքում հավելյալ 5 ու կես միլիարդ դրամ կուղղվի կենսաթոշակների բարձրացմանը»,- նշել է Թորոսյանը։
Նշենք, որ 2027թ․ հունվարի 1-ից թաղման նպաստները կտրամադրվեն միայն որոշակի խմբի։