«Կա՛մ կռմբակոծենք նրանց, կա՛մ գործարք կկնքենք»․ Թրամփ

ԱՄՆ նախագահ Դոնալդ Թրամփը սպառնացել է ռմբակոծել Իրանը, եթե Վաշինգթոնի և Թեհրանի միջև համաձայնություն ձեռք չբերվի, և հայտարարել է, որ Իսլամական Հանրապետության վերաբերյալ որոշում կայացնելու ժամանակը մոտենում է։

Սպիտակ տանը կայացած մամուլի ասուլիսի ժամանակ լրագրողները Թրամփին հարցրել են, թե ինչպես է նա նախատեսում համաձայնության հասնել Թեհրանի հետ, եթե Իրանի իշխանություններին համարում է «խելագար և ոչ ռացիոնալ գործընկերներ»։

«Հնարավոր է՝ մենք ռմբակոծենք նրանց։ Մենք պետք է կայացնենք այդ որոշումը։ Կա՛մ կռմբակոծենք նրանց, կա՛մ գործարք կկնքենք։ Ժամանակը մոտենում է։ Այսպես թե այնպես, այս ամենը շատ շուտ կավարտվի»,- պատասխանել է ԱՄՆ առաջնորդը։