Երևան`   +18 °C
Այսօր`   Չորեքշաբթի, 30 սեպտեմբերի, 2026 թ.

«Անհրաժեշտ է ընդլայնել «Զվարթնոց» միջազգային օդանավակայանի թողունակությունը». Դավիթ Խուդաթյան

57
Այսօր, 19:54
«Անհրաժեշտ է ընդլայնել «Զվարթնոց» միջազգային օդանավակայանի թողունակությունը». Դավիթ Խուդաթյան

ՏԿԵ նախարար Դավիթ Խուդաթյանը ֆեյսբուքյան իր էջում գրել է. «Հայկական քաղաքացիական ավիացիան 93 տարեկան է։
Հարգելի՛ ավիատորներ, քաղաքացիական ավիացիայի ոլորտի աշխատակիցներ և վետերաններ,
Շնորհավորում եմ ձեզ մասնագիտական տոնի՝ Քաղաքացիական ավիացիայի օրվա կապակցությամբ։
Քաղաքացիական ավիացիան Հայաստանի համար ռազմավարական նշանակություն ունեցող ոլորտ է։ Այն ապահովում է մեր երկրի կապն աշխարհի տարբեր երկրների հետ, նպաստում է տնտեսության, զբոսաշրջության և գործարար կապերի զարգացմանը։
Վերջին տարիներին Հայաստանի ավիացիոն ոլորտում արձանագրվում է շարունակական ակտիվություն․ ավելանում են թռիչքների թվերը, ընդլայնվում են ուղղությունների աշխարհագրությունները, հայկական շուկա են մուտք գործում նոր ավիաընկերություններ։
Վերջին տարիներին շեշտակի աճել է ուղևորահոսքը դեպի Հայաստան, ինչի արդյունքում անհրաժեշտություն է առաջացել ընդլայնել «Զվարթնոց» միջազգային օդանավակայանի թողունակությունը։
Հետևողական աշխատանքի արդյունքում Երևան-Կապան թռիչքները դարձել են ամենօրյա, աշխատանք է տարվում Կապանի օդանավակայանին միջազգային
օդանավակայանի կարգավիճակ շնորհելու ուղղությամբ։
Շարունակվում են տեղական նշանակության այլ օդանավակայանների գործարկման աշխատանքները։
Մեր առաջնահերթություններն են շարունակել ոլորտի բարեփոխումները, բարձրացնել ավիացիոն անվտանգության մակարդակը, զարգացնել ենթակառուցվածքները, ընդլայնել թռիչքների աշխարհագրությունը և ապահովել ուղևորների համար ավելի հասանելի ու որակյալ ծառայություններ։
Այս ամենի հիմքում ոլորտի յուրաքանչյուր աշխատակցի ամենօրյա պատասխանատու աշխատանքն է։
Մաղթում եմ խաղաղ երկինք, անվտանգ թռիչքներ և մասնագիտական նոր ձեռքբերումներ։
Շնորհավոր Քաղաքացիական ավիացիայի օրը»։

Աղբյուրը`   Դավիթ Խուդաթյան