Բարսելոնայում ակտիվիստները վրաններ են տեղադրել

Բարսելոնայի հրապարակում ակտիվիստները վրաններ են տեղադրել՝ բողոքելով բնակարանային ճգնաժամի դեմ։ Այս մասին հայտնում է El Mundo-ն։ Հանրահավաքի մասնակիցները, ի թիվս այլ պահանջների, բարձրաձայնում են արժանապատիվ և մատչելի բնակարան ունենալու իրավունքի մասին։

Բարսելոնայում անցկացված բողոքի ակցիան Իսպանիայի տարբեր քաղաքներում տեղի ունեցող ցույցերի շարքի մի մասն է։ Դրանք սկսվել են, երբ տարեց կինը վտարվել է վարձակալած բնակարանից, որտեղ ապրել էր 70 տարի։ Ավելի վաղ հայտնի էր դարձել, որ կինը, այնուամենայնիվ, կկարողանա վերադառնալ իր տուն՝ այն տնօրինող ընկերության հետ համաձայնության գալուց հետո։

Վերջին տարիներին Իսպանիայում բնակարանների հասանելիությունը զգալիորեն վատացել է գների աճի ֆոնին։ RTVE-ի տվյալներով՝ բնակարան գնելը դարձել է մոտ 35%-ով ավելի թանկ, քան համավարակից առաջ, իսկ վարձակալության գներն աճել են 43%-ով։