Գերագույն դատարանը Թրամփին թույլատրել Է վերսկսել միգրանտների արտաքսումը երրորդ երկրներ

ԱՄՆ Գերագույն դատարանը Դոնալդ Թրամփի վարչակազմին թույլատրել է վերսկսել միգրանտներին երրորդ երկրներ արտաքսելու ծրագիրը, հայտնում է Reuters-ը։

Դատավորները ժամանակավորապես չեղարկել են ստորադաս դատարանի որոշումը, որը վարչակազմից պահանջում էր միգրանտներին նախապես տեղեկացնել և նրանց հնարավորություն տալ հայտնել իրենց կյանքին սպառնացող վտանգի մասին այն երկրներում, ուր նրանց պատրաստվում են ուղարկել։ Թրամփի վարչակազմը պնդում էր, որ այս պահանջը խոչընդոտում էր «օտարերկրացիներին ԱՄՆ-ից արդյունավետ կերպով արտաքսելու» հարցում։

Որոշումը կգործի այնքան ժամանակ, քանի դեռ Գերագույն դատարանը վերջնական որոշում չի կայացրել գործի վերաբերյալ։

Սպիտակ տունն այս ծրագրի շրջանակում անցած տարի արտաքսել է ավելի քան 25 000 միգրանտի, նշում է Reuters-ը։ Արտաքսվածներին ընդունում են այնպիսի երկրներ, ինչպիսիք են Հարավային Սուդանը, Ուգանդան, Հասարակածային Գվինեան, Լիբերիան, Կենտրոնաաֆրիկյան Հանրապետությունը և այլ պետություններ, որոնց հետ ԱՄՆ-ն համապատասխան համաձայնագրեր է կնքում։ Առավել հաճախ Վաշինգթոնը ապօրինի միգրանտներին ուղարկել է Մեքսիկա։