Պատմության մեջ առաջին անգամ Մարոկկոն կին վարչապետ ունի

Պատմության մեջ առաջին անգամ Մարոկկոյի վարչապետը կին է:

Ֆաթիմա Մանսուրին նշանակվել է Մարոկկոյի վարչապետ։ Որոշումը կայացրել է Մարոկկոյի թագավոր Մուհամմեդ VI-ը։

Ինչպես հաղորդվում է՝ միապետը Մանսուրիին հանձնարարել է նոր կառավարություն ձևավորել:

Մանսուրին վարչապետի պաշտոնում փոխարինել է գործարար Ազիզ Ախաննուշին՝ դառնալով երկրի պատմության մեջ առաջին կին վարչապետը։

Հիշեցնենք, որ սեպտեմբերի 23-ին կայացած խորհրդարանական ընտրություններում «Ճշմարտացիություն և արդիականություն» կուսակցությունը ստացել է խորհրդարանի 395 տեղերից 97-ը՝ առաջ անցնելով «Անկախների ազգային միավորում» (66 մանդատ) և «Անկախություն» (65 մանդատ) կուսակցություններից։ Մարոկկոյի Սահմանադրության 47-րդ հոդվածի համաձայն՝ թագավորը կառավարության ղեկավարին նշանակում է խորհրդարանական ընտրություններում առաջին տեղը զբաղեցրած քաղաքական կուսակցության ներկայացուցիչներից։