«Անտեսվում են Դիլիջանի աղբավայրում գրեթե ամեն օր տեղի ունեցող հրդեհները»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Հայաստան-Վրաստան միջպետական ավտոճանապարհի հարակից տարածքում Դիլիջան համայնքի աղբավայրը հաճախ, պարբերաբար այրվում է, այդ հրդեհից առաջացած ծուխը և ծանր հոտը տարածվում են գեղեցիկ բնություն ունեցող Աղստևի հովտում։ Ահա այս կերպ Դիլիջանում տուրիզմ են զարգացնում։ Դիլիջան համայնքի բնակիչներից ոմանք կարծում են, որ համայնքի աղբավայրում պարբերաբար բռնկվող հրդեհները պատահական չեն, դրանք կազմակերպված են։ Այսինքն՝ այդ հրդեհների միջոցով համայնքի աղբավայրը «բարեկարգվում է»։ Եվ դրա պատասխանատուն ու մեղավորը Դիլիջանի համայնքապետարանն է։ Փրկարար ծառայությունը, էկոպարեկային ծառայությունը, քաղաքաշինության, տեխնիկական և հրդեհային անվտանգության տեսչական մարմինն անտեսում են Դիլիջանի աղբավայրում գրեթե ամեն օր տեղի ունեցող հրդեհները»։