«ԵԽԽՎ զեկույցն արձանագրեց այն, ինչ ՀՀ իշխանությունները հերքում էին». Լևոն Քոչարյան

ԱԺ «Հայաստան» խմբակցության պատգամավոր Լևոն Քոչարյանն «ԱլֆաՆյուզ»-ի հետ զրույցում անդրադարձել է ԵԽԽՎ-ի կողմից ներկայացված՝ ՀՀ-ում ընտրությունների արդյունքների վերաբերյալ զեկույցին։

«Շատ հետաքրքիր դրույթներ կային։ Մասնավորապես՝ «Բարգավաճ Հայաստան» կուսակցությանը խորհրդարանից դուրս թողնելու թեման հստակ նշված էր զեկույցում։ Նկարագրված էին նաև իշխանությունների կողմից նախընտրական շրջանում ստեղծված անհավասար պայմանները, վարչական ռեսուրսների բացահայտ կիրառումն ու քաղաքական ենթատեքստ ունեցող ձերբակալությունները»,- նշել է Քոչարյանը։

Նա ընդգծել է, որ չնայած իշխող «Քաղաքացիական պայմանագիր» կուսակցությունն ու իշխանության ներկայացուցիչները հետևողականորեն հերքում էին ընդդիմության հնչեցրած մեղադրանքները, ԵԽԽՎ զեկույցում այդ մտահոգությունները հստակ արձանագրված են։
Առավել մանրամասն՝ հարցազրույցում: