Հռոմի պապը կոչ է արել զիջումների գնալ Ուկրաինայում պատերազմը դադարեցնելու համար

Հռոմի պապ Լևոն 14-րդը փոխզիջումների կոչ է արել և կողմերին հորդորել է զիջումների գնալ՝ Ուկրաինայում խաղաղություն հաստատելու համար։ Նա այս մասին խոսել է Ֆրանսիայում՝ Եվրոպային նվիրված ելույթի ժամանակ։

«Ցավոք, պատերազմը վերադարձել է, անգամ Եվրոպա», — ասել է պապը Ֆրանսիայի արևելքում գտնվող Մեց քաղաքում։ «Մենք պետք է պատրաստ լինենք համբերատար երկխոսության, բանակցություններում քաջություն ցուցաբերենք և պատրաստ լինենք որոշ հարցերում զիջումների գնալ՝ հանուն խաղաղության ավելի մեծ նպատակի»։

Նա կրկին դեմ է արտահայտվել Եվրոպայում ռազմական ծախսերի աճին, որոնք անցյալ տարի գրանցել են ամենամեծ աճը Սառը պատերազմի ավարտից ի վեր՝ ԱՄՆ նախագահ Դոնալդ Թրամփի ճնշման և Ռուսաստանի ավելի կոշտ քաղաքականության պայմաններում։ «Մենք պետք է նաև զգուշանանք այն պատրանքից, թե վերազինումն է լուծումը,- ասել է նա,- այսօր մենք պետք է հարց տանք՝ արդյոք իսկապես ջանքեր ենք գործադրում համաշխարհային խաղաղության հասնելու համար, թե պարզապես փորձում ենք «կասեցնել պատերազմի ալիքը» և ավելի լավ պատրաստվել այն պատերազմներին, որոնք, ինչպես ենթադրում ենք, դեռ կարող են տեղի ունենալ»։