Վրաստանում ձերբակալվել է 2 անձ՝ ահաբեկչական կազմակերպությանն անդամակցելու մեղադրանքով

Պետական ​​անվտանգության ծառայությունը ձերբակալել է Վրաստանի երկու քաղաքացու, որոնք մեղադրվում են ահաբեկչական կազմակերպությանը միանալու համար։ Նրանց սպառնում է 10-ից 17 տարի ազատազրկում։ Այս հաղորդագրությունը տարածել է գործակալության մամուլի ծառայությունը, գրում է aliq.ge-ն:

Երկուսին էլ ձերբակալել են Գարդաբանիի և Քարելիի մունիցիպալիտետների հակաահաբեկչական կենտրոնի աշխատակիցները՝ դատավորի որոշման հիման վրա։

Նշված անձինք միացել են «Իսլամական պետություն» ահաբեկչական կազմակերպությանը, հավատարմության երդում են տվել (այսպես կոչված՝ բայաթ) կազմակերպության առաջնորդին և անվերապահ հնազանդություն են հայտնել նրան, հայտնել է ՊԱԾ-ի մամուլի ծառայությունը։