«6 տարի առաջ էս օրը ամեն ինչ ժամերի հարց էր»․ Սամվել Հայրապետյան

Ծրագրավորող, քիբերանվտանգության մասնագետ Սամվել Հայրապետյանի ֆեյսբուքյան գրառումը. «6 տարի առաջ էս օրը արդեն գրեթե բոլորին պարզ էր, որ լայնամասշտաբ պատերազմն անխուսափելի է, չնայած նրան, որ դեռ օգոստոս ամսվանից թե Սիրիայից ու թե Իրանից տարբեր ազդակներ էին գալիս վարձկան ահաբեկիչների մասով, որոնք կերպարանափոխված որպես թուրք ու ազերի մեկնում էին զորավարժության ու մնում։ 44-օրյա պատերազմից առաջ մի քանի մեծ զորավարժություն եղավ ադրբեջանի տարածքում ու դա օգտագործվեց, որպեսզի զենքն ու զորքը մնան ադրբեջանում։ 44-օրյա պատերազմի օրերին հարյուրավոր կադրեր ենք տեսել թուրքիայից, թե ոնց են թուրքիայի դրոշով փաթաթված դագաղներն իջեցնում փոսը։ Դե վարձկանների մասով թերևս փաստերն հենց իրենք էին՝ մեր տղերքը քիչ չեն վարձկաններ գերեվարել։ Ամբողջ 44-օրյա պատերազմի ընթացքում ադրբեջանի գլխավոր շտաբում որոշումներ են կայացրել թուրք գեներալներն ու անձամբ թուրքիայի գլխավոր շտաբի պետը։
6 տարի առաջ էս օրը արդեն իսկ ադրբեջանական հատուկ ծառայությունները սկսել էին կեղծ փաստաթղթեր ստեղծել Արցախի ԱԱԾ-ի ու այլ կառույցների անունից, որպեսզի խուճապ տարածեն։ Հաքերները կազմ-պատրաստ էին ինֆորմացիոն բլոկադա ստեղծելու համար։ Դե իսկ Իսրայելից ժամանած ինստրուկտորները վերջին ամփոփիչ նոտարեն էին ցույց տալիս ադրբեջանցի օպերատորներին, որպեսզի դրանք ավելի արդյունավետ ու պրոֆեսիոնալ օգտվեն ԱԹՍ-ներից։
6 տարի առաջ էս օրը ամեն ինչ ժամերի հարց էր։ Ժամերի հարց էր, թե ոնց է Հայաստանը միայնակ կռվելու մի քանի պետության դեմ, թե ոնց է դավաճանվելու, հետո թե ոնց է վրաստանը խանգարելու, որ ՀՀ մտնեն տասնյակ֊հարյուրավոր ֆուռեր՝ պատճառաբանելով, որ նեյտրալ է։
6 տարի առաջ էս օրը ադրբեջանը գիտեր, որ մեր դեմ միայնակ դուրս գալով պատերազմը իր տարածք կտեղափոխվի, հուլիսյան մարտերը դրա վառ ապացույցը։
44-օրյա ավարտից հետո ադրբեջանն արդեն մեր դեմ միայնակ էր, բայց էլի դուխ չէր անում հարձակվեր Արցախի վրա, ադրբեջանին 3 տարի պետք եկավ, որ Արցախը շրջապատի, մարդկանց հյուծի, սովամահ անի նոր հարձակվի, չնայած նրան, որ ստացավ էնպիսի պատասխան հարված, որին չէր էլ սպասում»։