Շինարարների 35 շենքի ծորակներից կեղտաջուր է հոսել

Երևանի Շինարարների 35 շենքի բնակիչներն ահազանգել են ՄԱՄՈՒԼ.ամ-ին՝ նշելով, որ այսօր երեկոյան ժամը 20:00-ի սահմաններում իրենց բնակարանների խմելու ջրի ծորակներից սկսել է պղտոր ջուր հոսել: Կարճ ժամանակ անց ջրամատակարարումը դադարեցվել է: Նշենք, որ «Վեոլիա Ջուր»-ը ոչ մի նախազգուշացում չի տարածել, որպեսզի բնակիչները զգուշանան և չխմեն վտանգավոր ջուրը:
Մեզ նաև հայտնի է դարձել, որ տարածքում իրականացվում են կոյուղատարների փոփոխման լայնածավալ աշխատանքներ. կա մտավախություն, որ կեղտաջրերը կարող են խառված լինել խմելու ջրերին:
Ավելի վաղ ահազանգել էին նաև Քանաքեռավանի բնակիչները. այնտեղ ևս ծորակներից կեղտաջուր է հոսում: