«ԵՄ-ի՝ Հայաստանի նկատմամբ ցուցադրական հետաքրքրությունը պայմանավորված է ՌԴ-ին վնաս հասցնելու ձգտմամբ». Մասլեննիկով

Եվրոմիության՝ Հայաստանի հետ հարաբերությունների զարգացման նկատմամբ հետաքրքրվածությունը ցուցադրական բնույթ է կրում, և դրա նպատակն է վնաս հասցնել Ռուսաստանին։ Այս մասին РИА Новости-ին տված հարցազրույցում հայտնել է ՌԴ ԱԳՆ Եվրոպական խնդիրների վարչության տնօրեն, Արկտիկական խորհրդում ՌԴ ավագ պաշտոնյա Վլադիսլավ Մասլեննիկովը։

«Երևանի որդեգրած քաղաքականությունը, հաշվի առնելով ԵՄ օրենսդրության և ԵԱՏՄ իրավական համակարգի սկզբունքային անհամատեղելիությունը, չի կարող մեզ մոտ հարցեր չառաջացնել։ Նույնը վերաբերում է նաև Հայաստանի հետ հարաբերությունների զարգացման նկատմամբ Եվրոմիության ցուցադրական հետաքրքրվածությանը»,- ասել է Մասլեննիկովը։

«Բրյուսելի առաջնահերթ նպատակը բնավ Հայաստանի տնտեսական բարգավաճումը չէ, այլ մեր երկրին վնաս հասցնելը և սեփական այլ աշխարհաքաղաքական խնդիրները լուծելը»,- նշել է դիվանագետը։