«Խախտված են Անդրանիկ սարկավագի իրավունքները»․ Լևոն Բաղդասարյան

«Գաթա բենդ»-ի հիմնադիր Անդրանիկ սարկավագ Մանուկյանի տան կողքին բազմահարկ շենքի կառուցման պատճառով առաջացած խնդիրների առնչությամբ փաստաբաններն ասուլիս են հրավիրել։ «Տասնամյակներ առաջ Անդրանիկ սարկավագը ձեռք է բերել այս տունը, որտեղ նաև նրա ստուդիան է գտնվում, մի քանի տարի առաջ որոշվում է, որ այստեղ պետք է կառուցվի բազմաբնակարան շենք. 12 հարկանի շենը համարյա պատրաստ է։ Խնդրի հետ կապված դատական բազմաթիվ հայցեր են ներկայացվել, իսկ երկու ամիս առաջ միջնորդություն արվեց դատարանին և դատարանը կիրառեց հայցի ապահովում, այսինքն, դատարանն ուսումնասիրելով դատական վեջը գտավ, որ պետք է կասեցնել շինարարությունը։ Երկու ամսվա ընթացքում լիազոր մարմինը մատը մատին չի տալիս: Բազմաբնակարան շենքի կաուցման հետ կապված դիմել ենք նաև ՍԴ, որը գտել է, որ հակասահմանադրական են այն գործառույթները, որոնք այսօր շինարարության անվան տակ կատարվում են»,- ասաց փաստաբան Լևոն Բաղդասարյանը։ «Օրինական ուժ ստացած դատական ակտը անհապաղ ենթակա է կատարման, բայց ոչ մի մարմին մատը մատին չի տալիս: Պետական այն լիազոր մարմինը, որի հանցավոր անգործության պատճառով Անդրանիկ սարկավագը հասել է այս վիճակին՝, ենթակա է ամենախիստ պատժի։ Խախտված են պարոն Անդրանիկի իրավունքները»,- հավելեց փաստաբանը։