Ուկրաինան հարվածել է Սամարայի և Ուֆայի նավթավերամշակման գործարաններին

Ուկրաինայի պաշտպանության ուժերը հայտնել են Ռուսաստանի տարածքում գտնվող նավթավերամշակման գործարաններից երկուսի ուղղությամբ հարվածներ հասցնելու մասին։ Հաղորդվում է, որ գիշերն Ուկրաինայի պաշտպանության ուժերի ստորաբաժանումները հարված են հասցրել Բաշկորտոստանի Հանրապետության Ուֆա քաղաքում գտնվող «Բաշնեֆտ-ՈւՆՎԳ» նավթավերամշակման գործարանին։ Հարվածից հետո ձեռնարկության տարածքում հրդեհ է բռնկվել։

Ուկրաինական կողմի տվյալներով՝ հարձակման ենթարկված մյուս օբյեկտը Սամարայում գտնվող «Կույբիշևի» նավթավերամշակման գործարանն է։ Այն պատկանում է «Ռոսնեֆտ» ընկերությանը և մարզի խոշորագույն ձեռնարկություններից մեկն է։