Հայտնի է` ովքեր կմասնակցեն Գրենլանդիայի համաձայնագրի ստորագրմանը

ԱՄՆ-ի նախագահ Դոնալդ Թրամփը, Դանիայի վարչապետ Մեթթե Ֆրեդերիքսենը և Գրենլանդիայի վարչապետ Յենս-Ֆրեդերիք Նիլսենը կմասնակցեն Գրենլանդիայի համաձայնագրի ստորագրման արարողությանը, «ՌԻԱ Նովոստի»-ին հայտնել է Սպիտակ տան պաշտոնյան։
«Երեքշաբթի օրը նախագահ Թրամփը կհանդիպի Դանիայի վարչապետ Ֆրեդերիքսենի և Գրենլանդիայի վարչապետ Նիլսենի հետ՝ եռակողմ ստորագրման արարողության համար։ Երեք առաջնորդները պաշտոնապես կհաստատեն Գրենլանդիայի և Միացյալ Նահանգների անվտանգությունն ապահովելուն և պաշտպանելուն ուղղված նոր համաձայնագիրը»,- ասել է նա։
Թրամփը նախկինում հայտարարել էր Դանիայի հետ Գրենլանդիայի անվտանգության վերահսկողության վերաբերյալ անժամկետ համաձայնագրի մասին։ Համաձայնագրի համաձայն՝ ԱՄՆ-ն ստանում է կղզու անվտանգության վերահսկողություն առանց ֆինանսական ծախսերի, և Փենթագոնը անմիջապես կսկսի կղզում մեծ ռազմական զորակազմ տեղակայել։