Իրանում հայտարարել են, որ ԱՄՆ-ն պատրաստվում է վերսկսել ռազմական գործողությունները

Իրանի Կենտրոնական ռազմական հրամանատարությունը հայտարարել է, որ տեղեկություններ ունի, որ ԱՄՆ-ն՝ տարածաշրջանի մի շարք երկրների աջակցությամբ, պատրաստվում է վերսկսել ռազմական գործողությունները Իրանի Իսլամական Հանրապետության դեմ։ Այս մասին հայտնում են պետական լրատվամիջոցները։
Հայտարարության մեջ նշվում է, որ ԱՄՆ-ի կողմից ցանկացած հարձակում կհանգեցնի տարածաշրջանում ամերիկյան ռազմաբազաների և օբյեկտների դեմ պատասխան հարվածների։ Միաժամանակ հրամանատարությունը նախազգուշացնում է, որ տարածաշրջանի այն երկրները, որոնք կաջակցեն Իրանի դեմ ամերիկյան ագրեսիային, կդիտարկվեն որպես հակամարտության մասնակիցներ։
Նշվում է, որ Հորմուզի նեղուցը շարունակում է փակ մնալ, իսկ Իրանի իշխանությունները չեն պատրաստվում բանակցությունների գնալ, քանի դեռ ԱՄՆ նախագահ Դոնալդ Թրամփը չի ընդունել իրենց պայմանները, այդ թվում՝ պատերազմի դադարեցումը, իրանական ակտիվների ապասառեցումը և ծովային շրջափակման վերացումը։
Նախօրեին Թրամփը Fox News հեռուստաալիքին տված հարցազրույցում հայտնել էր, որ մտածում է, թե ինչպես վարվել Իրանի հետ, և կարծում է, որ համեմատաբար կարճ ժամանակում կարելի է ակնկալել նշանակալի զարգացումներ։