«ՀՀ-ում ռուսական զորակազմի ներկայությունը կարգավորվում է երկկողմ պայմանագրերով, մենք մտադիր ենք պահպանել դրանք»․ Զախարովա

Հայաստանում տեղակայված ռազմակայանում ռուսական զորակազմի ներկայությունը կարգավորվում է համապատասխան պայմանագրերով, որոնք Մոսկվան մտադիր է պահպանել։ Այս մասին ճեպազրույցի ընթացքում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ Նա նշել է, որ Գյումրիում տեղակայված ռուսական ռազմակայանը հանդիսանում է «անվտանգության ճարտարապետության հենասյուներից մեկը» թե՛ Հայաստանի ներսում, թե՛ տարածաշրջանում ընդհանուր առմամբ, և որ «ներկայումս որևէ շոշափելի այլընտրանք չի նշմարվում»։

«Հայաստանում ռուսական զորակազմի ներկայությունը կարգավորվում է համապատասխան երկկողմ պայմանագրերով, մենք մտադիր ենք պահպանել դրանք, և ակնկալում ենք, որ պաշտոնական Երևանը նույնպիսի մոտեցում կցուցաբերի»,- նշել է Զախարովան։