«Գիտությունների ակադեմիա, Պատմության ինստիտուտ, չկա՞ն միջազգային գործընկեր կազմակերպություններ, որոնց միջոցով պետք էր աղմուկ բարձրացնել». Վահե Լոռենց

Պատմաբան, գրող, հրապարակախոս Վահե Լոռենցի ֆեյսբուքյան գրառումը. «Ադրբեջանցիների՝ Շուշիում բեմադրած միջազգային խեղկատակությունը մի պարզ բան հերթական անգամ ջրի հանեց․ Հայը չի՛ սիրում իր պատմությունը։ Չգիտի և չի՛ սիրում։ Հայը իր պատմությանը վերաբերվում է որպես հեքիաթի։ Այն ազգերը, որոնք չունեն պատմություն՝ դողալով և պատկառանքով են վերաբերվում այն արժեքներին, որ ստեղծել են կարճ ժամանակաընթացքում․ մենք՝ ամենուր սփռում ենք, անտերության ենք մատնում։ Ադրբեջանը երբեք 30 տարիների ընթացքում չհաշտվեց Արցախի կորստյան հետ։ Հայության բացարձակ մեծամասնությունը հաշտ է։ Հիմա պատմությունն ի՞նչ է որ հայը չուրանա։ Ի դեպ, աու․․․․ սա ոչ միայն քաղաքական խնդիր է, այլև՝ արժահամակարգային․ Գիտությունների ակադեմիա, Պատմության ինստիտուտ․․․ չկա՞ն միջազգային գործընկեր կազմակերպություններ, որոնց միջոցով պետք էր աղմուկ բարձրացնել։ Հասկացանք, ՀՀ իշխանությունները միայն գոհ ու երջանիկ են․ բա դու՞ք․․․»: