«Իշխանական միջանցքներում «հայկական Արցախ» փնտրելը հանցավոր ինքնախաբեություն է». Մհեր Մելքոնյան

ԱԺ նախկին պատգամավոր Մհեր Մելքոնյանի ֆեյսբուքյան գրառումը․ «Ինձ համար պարզապես զարմանալի է, որ մինչ օրս գտնվում են մարդիկ, ովքեր դեռ փորձում են ՔՊ-ականներից «ճշտել» նրանց դիրքորոշումը Արցախի հայկական լինելու վերաբերյալ։
​Էլ ի՞նչ պիտի ասվի կամ արվի, որ հասկանաք․ նրանք այդ հարցի պատասխանը վաղուց են տվել։ Տվել են հստակ, բազմիցս և աներկբա։ Իրենց քայլերով, հայտարարություններով ու գործողություններով նրանք հայկական Արցախի էջն իրենց համար վերջնականապես ու անդառնալիորեն փակել են։
​Իշխանական միջանցքներում «հայկական Արցախ» փնտրելը կամ այնտեղից որևէ ազգային դիրքորոշում ակնկալելը լավագույն դեպքում պարզամտություն է, վատագույն դեպքում՝ հանցավոր ինքնախաբեություն»: