Հութիները վերահսկողության տակ են վերցրել Եմենի Մոխա նավահանգստային քաղաքը

Եմենի հյուսիսում իշխող շիական «Անսար Ալլա» ռազմաքաղաքական շարժումը (հութիները) վերահսկողության տակ է վերցրել երկրի հարավ-արևմուտքում գտնվող Մոխա նավահանգստային քաղաքը, հայտնում է Reuters-ը՝ հղում կատարելով Եմենի կառավարության երեք աղբյուրի։

AP-ն նշում է, որ եթե այդ տվյալները հաստատվեն, ապա խոսքը խմբավորման համար խոշոր հաջողության մասին է, քանի որ Մոխան գտնվում է Բաբ էլ-Մանդեբի նեղուցից մոտ 80 կմ հեռավորության վրա։ Հետևաբար, քաղաքում ամրապնդվելու դեպքում հութիների համար ավելի հեշտ կլինի հարվածներ հասցնել նեղուցով անցնող նավերին։

Վերջին շաբաթներին հութիները պարբերաբար կրակ են բացում Եմենի ափերի մոտ գտնվող սաուդյան նավերի ուղղությամբ։