«Իրանի հետ պատերազմը կարող է ավարտվել նոյեմբերյան ընտրություններից հետո». Թրամփ

ԱՄՆ նախագահ Դոնալդ Թրամփը հայտարարել է, որ Իրանի հետ պատերազմը կարող է ավարտվել ԱՄՆ Քոնգրեսի նոյեմբերյան միջանկյալ ընտրություններից անմիջապես հետո։

«Կարծում եմ՝ պատերազմը կավարտվի ընտրություններից անմիջապես հետո, որովհետև նրանք այլևս չեն կարող դիմանալ»,- ասել է Թրամփը։ Նա նաև պնդել է, թե Իրանը կփորձի ազդել ԱՄՆ ընտրությունների վրա, որպեսզի իշխանության գան ավելի թույլ քաղաքական գործիչներ, որոնք, ըստ նրա, թույլ կտան Թեհրանին շարունակել իր միջուկային ծրագիրը։ ԱՄՆ առաջնորդն այս հայտարարություններն արել է Վաշինգթոնի մերձակայքում գտնվող Էնդրյուս ռազմաբազայում լրագրողների հետ զրույցի ընթացքում՝ Դալաս մեկնելուց առաջ։