«Ադրբեջանը հետևում է Հայաստանի Սահմանադրության փոփոխության գործընթացին»․ Բայրամով

Ադրբեջանի և Հայաստանի միջև հարաբերությունների կարգավորման գործընթացի շրջանակում կարևոր քայլեր են ձեռնարկվել։ Այս մասին լրագրողներին հայտնել է Ադրբեջանի ԱԳ նախարար Ջեյհուն Բայրամովը, գրում են ադրբեջանական լրատվամիջոցները։

«Դրա վառ օրինակներն են քաղաքացիական հասարակության ներկայացուցիչների, ինչպես նաև պետական պաշտոնյաների միջև հանդիպումները։ Գործընթացն ավարտին հասցնելու համար Հայաստանում պետք է ընդունվի նոր Սահմանադրություն։ Դրա ժամկետներն ու ժամանակացույցը Հայաստանի ներքին գործընթացն է։ Ընտրություններից հետո Հայաստանի վարչապետը հայտարարել էր, որ Սահմանադրության նախագիծը հանրությանը կներկայացվի տարեվերջին»,- նշել է նա։