Թբիլիսում ՀՀ քաղաքացին սպանել է ՌԴ քաղաքացու

Օգոստոսի 28-ի լուսաբացին Թբիլիսիի կենտրոնում՝ Բարաթաշվիլիի հուշարձանի մոտ գտնվող այգում անցորդները հայտնաբերել են ՌԴ 40-ամյա քաղաքացու մարմին։ Սպանությունը տեղի է ունեցել սուպերմարկետում տեղի ունեցած վեճից հետո։
Քննիչների տվյալներով՝ վեճի ժամանակ մեղադրյալը մի քանի անգամ հարվածել է հակառակորդին սուր զենքով և բութ առարկայով, ապա փախել։ Տուժածը մահացել է դեպքի վայրում:
Վրաստանի ՆԳՆ-ն հաստատում է, որ ձերբակալվածն օտարերկրացի է, բայց չի բացահայտում նրա քաղաքացիությունը։ Լրատվամիջոցների հաղորդագրությունները ցույց են տալիս, որ նա Հայաստանի քաղաքացի է, մոտ 60 տարեկան։ Ոստիկանությունը հանցագործությունից անմիջապես հետո նույնականացրել և ձերբակալել է կասկածյալին։ Սպանության զենքն առգրավվել է որպես ապացույց։