«ԵՄ հանրաքվեի մասին Փաշինյանի խոսքերը վկայում են ժողովրդի հանդեպ նրա անվստահության մասին»․ Լավրով

ՀՀ վարչապետ Նիկոլ Փաշինյանի այն հայտարարությունները, թե հանրապետության՝ Եվրոմիությանն անդամակցելու վերաբերյալ հանրաքվեի մասին կարելի կլինի խոսել միայն հայտ ներկայացնելուց և «ճանապարհային քարտեզը» պատրաստելուց հետո, վկայում են նրա՝ սեփական ժողովրդի նկատմամբ «ոչ այնքան մեծ վստահության» մասին, հայտարարել է ՌԴ արտգործնախարար Սերգեյ Լավրովը՝ РБК-ին տված հարցազրույցում։

«Անհրաժեշտ է արդար ընտրություն. ինչի՞ միջև եք ընտրում, ինչպե՞ս եք ապրում հիմա, երբ առևտրաշրջանառությունը վերջին երեք տարիների ընթացքում կազմել է ավելի քան վեց միլիարդ, իսկ մեկ տարվա ընթացքում՝ 12 միլիարդ։ Ընդհանուր առմամբ, Հայաստանը զարգացել է ԵԱՏՄ-ի շնորհիվ»,- հավելել է նա։