«ԱՄՆ-ն կասեցրել է ներգաղթային վիզաների դիմումների ընդունումը»․ #FT

ԱՄՆ նախագահ Դոնալդ Թրամփի վարչակազմը կասեցրել է ներգաղթային վիզաների դիմումների մշակումը՝ հյուպատոսական աշխատակիցներին վերապատրաստելու համար, որպեսզի նրանք կարողանան պարզել պետական հնարավոր օգնության կարիք ունեցող դիմորդներին, հաղորդում է Financial Times-ը՝ հղում կատարելով իր աղբյուրներին։

Գերատեսչությունը սկսել է «վերապատրաստման գլոբալ ծրագիր», որպեսզի աշխատակիցները կարողանան «յուրաքանչյուր դիմորդին գնահատել համակողմանի և հետևողականորեն», հայտնել է Պետդեպարտամենտի ներկայացուցիչը։

FT-ի տեղեկություններով՝ ներգաղթային վիզաների դիմորդները, որոնց համար ԱՄՆ դեսպանատներում և հյուպատոսություններում հարցազրույցներ էին նշանակված, էլեկտրոնային նամակներ են ստացել՝ հանդիպումները հետաձգելու մասին։ Նրանց նաև հայտնել են, որ հարցազրույցների նոր ամսաթվերի մասին կտեղեկացնեն ավելի ուշ։

Պետդեպարտամենտը չի հայտնել, թե երբ կվերսկսվեն ներգաղթային վիզաների հարցազրույցները։