«Թեհրանը լիովին պատրաստ է ԱՄՆ-ի նոր պատժամիջոցներին»․ Մադանիզադե
 Թեհրանը լիովին պատրաստ է դիմակայելու ԱՄՆ-ի պատժամիջոցներին, IRINN հեռուստաալիքին տված հարցազրույցում ասել է Իրանի ֆինանսների նախարար Ալի Մադանիզադեն։ «Ըստ ամենայնի, ԱՄՆ-ն որոշել է ևս մեկ անհաջող փորձ ձեռնարկել։ Մենք վաղուց էինք սպասում դրան և շատ լավ տեղեկացված էինք նրանց ծրագրերի մասին։ Կառավարությունն ունի երկամյա ծրագիր և լիովին պատրաստ է իրադարձությունների նման զարգացմանը»,- ասել է Մադանիզադեն։ Պաշտոնյան ԱՄՆ-ին մեղադրել է Իրանի նկատմամբ «տնտեսական ահաբեկչության դիմելու» ձգտման մեջ։ «Մենք նույնպես ունենք մեր գործիքները և գիտենք, թե ինչպես խաղալ այս խաղը»,- նշել է նա։ Միևնույն ժամանակ Մադանիզադեն հայտարարել է, որ ԱՄՆ-ն չպետք է ակնկալի, թե Իրանի պատասխանը «զուտ պաշտպանական կլինի, և մենք միայն պաշտպանվելու ենք»։ «Նրանք նույնպես պետք է պատրաստ լինեն, որ մենք անցնելու ենք հարձակման»,- հայտարարել է նախարարը։ Ավելի վաղ ԱՄՆ իշխանությունները հայտարարել էին Իրանի նկատմամբ տնտեսական ճնշում գործադրելու արշավի մեկնարկի մասին։ ԱՄՆ ֆինանսների նախարարությունը պարզաբանել է, որ դրա նպատակն է «խաթարել այն տնտեսական ոլորտների գործունեությունը, որոնք թույլ են տալիս իրանական ռեժիմին և Իսլամական հեղափոխության պահապանների կորպուսին գոյատևել»։ |
«Աստարա–Ռեշտ երկաթուղին այն օղակն է, որ բացակայում է Հյուսիս–հարավ երկաթուղային հաղորդակցության մեծ շղթայում». Հակոբ Բադալյան
5403:24
«Հրամանատարների, սպաների հեռացումն ու զորացրումն էլ բավարար էր այսպիսի ծանր հետևանքների հանգեցնելու համար». Տիգրան Աբրահամյան
9502:00
«Պաշտպանական համակարգի ներսում կարգապահական ու բարոյահոգեբանական կառույցների փլուզում է». Մհեր Մելքոնյան
9101:36
«Անդրանիկ Թևանյանի և Արեգնազ Մանուկյանի դատավարությունն աննախադեպ է լինելու իր հիբրիդային բնույթով». «Մայր Հայաստան»
7101:18
ԱՄՆ-ն Սիրիան հանել է ահաբեկչությունը հովանավորող պետությունների ցանկից
16201:02
«Այս ծաղրածուները պետք է «շարժվեն», հակառակ դեպքում հետևանքները Կանադայի համար ՇԱՏ ՎԱՏ կլինեն». Թրամփ
18600:04