«Չենք կարողանում բերքն իրացնել, դեղձը դաշտերում փչանում է»․ այգեգործները ճանապարհ են փակել

Արմավիրի մարզի Խանջյան, Հացիկ գյուղերի հողօգտագործողներն առավոտյան փակել էին Արմավիր-Գյումրի միջպետական ճանապարհը։ Ըստ գյուղացիների՝ դեղձը դաշտերում փչանում է, չի իրացվում. մթերման սակագինը շատ ցածր է։ «Արտահանողին սուբսիդավորում են, գալիս մեզնից 100 դրամով է ուզում բերքն առնի. ջրի գնով տա՞նք»,- նշել է այգեգործներից մեկը։
«Չենք կարողնում բերքն իրացնել, փչանում է։ Էդ սուբսիդավորումը մեզ չի հասնում, ուզում են աշխատեն մեկ հոգու հետ, որ էդ մի հոգին հարստանա, բայց ինչքա՞ն կարելի է մեր հաշվին հարստանալ։ Վաղն էլ ենք ճանապարհը փակելու, թող այս հարցը լուծեն»,- հավելել է մյուսը: